علولة

علولة

شكُونْ فْ الدنيا عل حق يدافع

ياك الكثير ما فيهم نفع

مْطْعُونِينْ فْ الظْهْرْ ومَا ضَحِّينَا بْ لْعْمْرْ

ياك أخرها هم لقبر

بنادم ف الزنقة دَالَحْ مَا مَرءتَاحْ

الخوف ولقهر عليه قاضي

ف لعماق الفوضى ومن الفوق يبان لبحر هادي

الحق والباطل هنا

الشاهد يزور لعمى. . والحاكم ما يدوق المعنى

يا بنادم دار الصابون ما شي جفنة

الطعام إلى صخون رد اللقمة

يكفانا اللي احنا فيه

يكفى الجوع وما قاسينا

كل شي ديالنا وحنا مواليه

اللهم صلي على النبي رســول الله يا محمد شفيع أمته زين الصـورة

آسبحان الدايم لَغْنِي وعاتق لنفاس يَا مْحْضَّرْ لْعْشُوب بعد ما يبســـــو

آه غِيرْ عْلِينَا يَا مُولْ الـقُــبـَّـــــــــة دْخِيــــــلْ لِيـــكْ يـَــا رَسـُــــولَ الله

من كثرة الظلم ظهري تحنــــــــــى طول عُمْرِي وُعِيشْتِي ف المحبــة

كثيــر بحالــي مــا شافـــو الهنـــــا عـْـيِــيــتْ نْفْـــرَّزْ شكــــون احنـــا

الربيع حان وقته ما نْبَتْ نــــــــوار لخريــف هــذا عــم كـــل لقصـــار

طبقة رسات راسها فوگ الطبقـات حطت وفرخت جرادها تما بقــــات

اللسان ما طلب الغفران والعمر دايزة ساعتـــه

عديم الثقة ف الرحمـان والفضايل اللي فاتــــــو

علينا غيرو الزمـــــــان بنادم ميت ف حياتـــــه

ناس الغوان

انْسَا واطْفَالْ

شيوخ وشباب صبحت مقتولة

ارواح لعباد

ب شواقر لغدر مسلولة

والدنيا حايرة مذهولة

عَلُّولَة هَادْ الدّْبَايْحْ لاشْ

وعلاش يا اهل لعقولة

عَلُّولَة نَطْلَبْ الرَّحْمَة لِيكْ . . .

ولذاك وذاك . . .

وكل شهيد نفسه مغبونة

علولة فاقدني . . . ونصيح معاك :

يا المولى لا هادي غيرك يهدي قلوب معلولة

طال لغدر وطال آعَلُّولَة

ديما الغيوان مع لقلوب المغبونة